اتعلمي ( للمصري )

اتعلمى

اتعلمى ازاى تعشقينى...

تحكمينى

تسكنينى باجتياح فوق الجنون

تسجنينى جوة قلبك

مهما كنتى ومهما اكون

اعشقينى

اتعلمى ازاى تملكى عمرى اللى باقى

احكمى .... فكرى وجنونى و اشتياقى

يا وريد الدم ...يا نظرة عينية

يا جدار القلب والنبضة اللى جاية

هارسمك بين الضلوع

واحلمك حلم السجين

باشتياقه للحياة وقت الطلوع

اتعلمينى

واسالى نفسك بنفسك

هوه ليه قلبه ف صدرى غصب عنى

ولا قلبى ليه بينبض بين ضلوعه غصب عنه

مش بايدى او بايدك

الهوى مافيهوش قرار

لو هفكر يوم اقرر ...

غصب عنى وبمزاجى

تبقى انتى الاختيار

فياريت بقى تتعلمينى

ياريت تمدى اديكى ليا وتلمسينى

اقرى كفى

شوفى اسمك بين خطوطه

حسى قلبى

نبض قلبك هو صوته

حللى دمى ف عروقى تطلعى نوع الفصيلة

اربطى شوقك بشوقى لو لليلة

يا بداية صعبة جدا

يا نهاية مستحيلة

حاولى انك تفهمينى ..... تحفظينى

وبساطة اتعلمينى

فاتعلمى

ان اللى عايش يعشقك يبقى انا

وان اللى عامل قلبه كراسة ورق

فيها مشاعرة كل ليلة ترسمك

برضة انا

اتعلمينى لو قدرتى

اتعلمى ازاى تعشقينى بس حاولى
حاولى انك تعشقينى وبجنون .... فوق الجنون

تسجنينى جوة قلبك

مهما كنتى ومهما اكون

اتعلمينى

==========
كلمات المصرى