قصيده تعرف منها معنى الحب الحقيقي

السلام عليكم ورحمة الله وبركاته

مساء/صباح الخير على الجميع

واحد اسمه خالد جاه مرض و قالوله انه بيموت

كتب الشعر لصديقه يقول له فيه
انه يحب حبيبته و يبي من خويه هذا انه يخليها تنساه

اقرأ القصيده والله تستاهل ... وراح تعرف معنى الحب الصادق



وصاتي لك من بعـــــــــدي تموت فيها علشاني

ابيها تعيش و تحيـــــا بك واظل بالذاكره مفقود

وصاتي لك تنسيهـــــا ملامح وجهي و تنساني

وتعزفها قصيدة حـب على عكس اللي عزفته بعود

وصاتي لك تبعدها عن اشعاري وقيفانــــــــــي

تراها مغرمة بالحيل ويشهد لي عدد الـــردود

وصاتي لك تسايرهاترى فيها من احزانــــــي

طلبتك لايضيق بالك طلبتك والطلب مــــــردود

وصــــــــاتي لك تناديها حياتي عمري ازمـاني

انـــــــــــا عـــــــودتها دايم ادلعها وانا موجود

وصـــــــاتي لك تعاملها بطيبه قلب و احساني

تـــــراها تذرف الدمعه ودمعتها بليٌا حــــــدود

وصــــــاتي لك تحفظها سور وآيات قــــــرآني

وتـــخبرها عــن الميت رحل لايمكنه بيــــــعود

وصـــــاتي لك ترسمها عـــلى قبري وأكـــفاني

ابيهـــا لوحة تبقى على طول الزمن مــــــحدود

وصاتي لك تمازحها وتشوف الضحكة بأسناني

سعيتك ياضحك هالكون طلبتك لاتصير جلمود

وصـــــاتي لك تقهويها من دلالي و فنجـــــــالي

تـــــراها تعشق السمرا ويكفيها دخون الـــــعود

وصاتي لك تركبها على خيلي و على حصــــاني

وربي فارسة من قلب شهادة مـــاهي لشــــهود

وصـــــاتي لك تسفرها بـــــلاد الشام و لــــبناني

ترى يحلالها تقطف ورده وردة من بلد الورود

وصــــاتي لك تراقصها على الحان رحبـــــــاني

تــــرى فيها عرق خالة وفيها من جنون السود

وصـــــاتي لك تحببها فأبونورة بـــــــعد هــــــاني

وتنسيـــــها ندم غلطة انا فيها ترى المقصـــــود

وصـــــاتي لك تكــرهها في تاريخي و عـــــنواني

أبيهــــا تلعن اللحظة وتلعن كـــل فرح مـــــوعود

وصـــــاتي لك تكلمها عن المجني وعـــن الجاني

وتخلينــــي انـــا الظالم وانا من حرق الاخــــــدود

وصــــــاتي لك تشبهني بـــــــــدم أحمـــر قـــــــاني

وانا هالقاتل الســــفاح مجـــــرم من عصر نمرود

وصـــــــاتي لك تحلفهــــــا تتوب تحبنــــــي ثــــــاني

تـــــــرى يكفيها ماعــــــــانت ويكفي حيلــها مهدود

وصــــــــــاتي لك تنسيها وصية قالهـــــــــــا لساني

أنــــــــــا اخبرك رجل موقف وانت قـــــــــدها وقدود

صـــــــــديقي مالقيت غـــيرك يعرف وشلون تنساني

أمـــــــــــانه ضمها بقلبك ترى خالد معــآد يعـــــود